LIMBA BIA ( A TIU FRANTZISCHINU SATTA)

di Cristoforo Puddu

LIMBA BIA *

(a tiu Frantzischinu Satta)

Su mundhu ‘e sa poesia

est limba ‘ia

de disizos fungudos,

aundhados

in versos mai canos,

ingranidos

de prendhas cada die

in ìnnidos boleos

de lugore mai irmurinadu.

Pastera,

mojolada dae su ‘entu

as sighidu

-imprentada in lìteras de fogu-

su viazu ‘e sos coetes

de pòpulu bajuladu

(…e sempre ritzu!)

dae sas sacarraduras furisteras.

Che nae

in trainu bolotadu,

aumbrada ‘e lozu

che su passadu,

si perdet s’ànima,

arcana vitalidade nuràgica

costoida in coros de granitu.

La poesia dedicata a mastru Satta (Nuoro, 1919-2001) è stata pubblicata negli anni ’80 dal settimanale diocesano nuorese “L’Ortobene” e dalla rivista poetica “S’Ischiglia”; nel 2004 inserita nella silloge “De Amores”, edita da Domus de Janas.