di Cristoforo Puddu
PUMAS DE TIEN AN MEN
Degumadas columbas grogas
Pesan disamparados bolos
Dae s’atraessu ‘e sos sonnies
Iscutinendhe pumas rujas
Brotadas in su nitzu profanadu
De sa piatza ‘e Tien An Men.
E sa Muràglia Manna
No est reséssida a cuvrenare
Totu sas feridas
Chi testimonzas de isperas
Gallizan lieras -pro sempre –
Saidadas dae unu ‘entu
Chi niune at a poder abbacare.
