SA DIE DE SA SARDIGNA IN S'ISTITUTO TECNICU SARVADORE SATTA DE NUGURO E OROSEI


di Tonino Bussu

Oje sos piciocos de s’istituto tecnicu Sarvadore Satta de Nugoro e de Orosei festant sa Die de sa Sardigna  cun letturas, cànticos e relatas de custu tema.

B’at a èssere puru su Complesso Vocale de Nùgoro, chi at a cantare medas cantzones tra sas cales binas Procurade de moderare, s’innu de su patriottu sardu  a sos feudatarios, s’innu sardu antigu e modernu,Va pensiero, Fratelli d’Italia, s’Innu europeu.

Sos istudentes ant assistiu a medas letziones de sos professores Tonino Bussu e Paula Mereu chi lis ant faveddau de s’istòria de sa Sardigna prima de sa sarda rivolussione de su 28 aprile de su 1794 e a pustis pro arribbare finas a oje.

Sos reladores ant marcau s’importu chi ant tentu puru sos palatos de su podere in s’istòria sarda e tra custos su palatu de su visurrei, su palatu regiu de Casteddu.

E cun sos istudentes ant fatu s’istòria de Casteddu de Castru dae su tempus de sos pisanos a oje.

Su palatu regiu est istadu sede de sos viceres, de su cossizu provinciale, de sa prefetura e de su cossizu regionale finas a cando no ant fravicau su palatu de via Roma.

Sos istudentes oje leghent iscritos de su tentativu de sos frantzesos de invàdere sa Sardigna, de su bulluzu de su 28 de aprile, de s’istòria de Giomaria Angioy.

Parte manna de sas leturas ant a èssere in limba sarda, comente fit previstu in su programma approvadu dae sa regione in base a sa leze regionale n.44 de su 1993, cun sa cale ant istituiu sa Die de sa Sardigna.

E est pròpriu grassias a cussa leze chi oje sos istudentes de su tecnicu Sarvadore Satta festant sa Die in Nùgoro.

                       

Lascia un commento

Il tuo indirizzo email non sarà pubblicato. I campi obbligatori sono contrassegnati *