DA UN EMIGRATO SARDO CHE RISIEDE A CINISELLO BALSAMO, L'AUGURIO A TUTTI I SARDI (IN NUORESE) PER UN "BON'ANNU"

 
di Lorenzo Costantino Brandinu

 
Bon’annu o emigrados frades sardos
paret chi s’incaminen tempos duros
sos chelos sunu semper prus iscuros
non bastan alluminzos e petardos
 
Bon’annu, de armonia e de intesa
ma tenide bos cara  sa moneta
ca paret chi  nde torret s’ischisceta
e paca cosa b’at aer in mesa
 
                     I
B’at aer  bullettas ricas e de oro
tra ici imu irpef  e imbentos
a sos chi non cumparini cuntentos
lis azunghen duos zaffos a su coro
 
si lamentan, non pagat chi est furbu
pro custa vorta solu achen sa prova
istan attentos   fattende  manovra
chi a cussos non diana disturbu
 
però l’at cumbinadu su guvernu
prima fit su riposu in penzione
da chi an fattu sa manovra estrema
nande sos trabagliantes sun sa crema
an puru cambiadu funzione
sa penzione in su riposu eternu
 
 
                        II
pro evitare de fagher irbagliu
nande ch’est pro su bene de sa zente
tassan sos istipendios solamente
de  chie ancora tenet su  tribagliu
 
sa tzorronada torrat a degh’oras
pius trabagliu, paga piu bascia
bidides chi s’azustat custa cascia
e chie non reghet, abarret  in foras
 
 
 
intantu no la tzessan sa manfrina
de s’istatutu de su trabagliadore
s’articulu degheotto est de mudare
tzertu  bisonzat de l’ammodernare
pius non bastan fatica  e sudore
si depen ponner a sa pecorina
 
Bon’annu, a sos de accurzu e de innedda
a sos chi  tenen benes in su sacu
a sos chi tenen   petha in sa padedda
e a cuddos chi si mascan de fiacu

Lascia un commento

Il tuo indirizzo email non sarà pubblicato. I campi obbligatori sono contrassegnati *