SU PERDINGIANU IN AMSTERDAM: RICORDI IN LIMBA DI UN'EMIGRAZIONE LONTANA

una via di Amsterdam, in Olanda
una via di Amsterdam, in Olanda

di Roberto Bolognesi

Custu est su bixinau miu in Amsterdam: Amsterdam Oost. Est ammisturau meda e est prenu de butegas turcas e marrochinas. Immoi fait a agatai totu sa cosa de papai bona de is partis nostras e de atrus logus meda puru. Ma candu seu arribbau a innoi sa primu borta non fiat de aici. Non connoscíant giai-giai nudda. Fiat cosa de patata a buddíu e birdura a buddíu e petza cota in pressi in sa margarina. A pustis de un’annu seu intrau “in depressione”: “sindrome da deprivazione sensoriale”! Mi nd’arregordu sa primu borta ca a un’Olandesu chi connoscemu dd’ant arregalau unu perdingianu: fiat su 1972. Fiat unu chi girát meda e fiat un’artista puru, ma su perdingianu  si ddu castiát e si ddu girát in is manus, comenti chi fessit una cosa arribbada de un’atru pianeta.

–E comenti si coit custa cosa? Deu a issu non ddu podemu biri e mi seu citíu, puru ca issu fiat cumbintu de essi bravu fendi sa cosa de papai. At ghetau duus stiddius de ollu de olia in su tianu e nci at postu su perdingianu segau a grussu. E deu arriendi a iscusi. Si nc’est una cosa chi fait grisu est su perdingianu cruu. Issu s’est postu a murigai in su tianu e in cincu minutus–candu at biu ca su perdingianu si fiat furriendi nieddu–nde dd’at bogau: anca fiat cotu. Dd’at tastau e at nau: “su perdingianu non mi praxit!” Is Olandesus tenint arrexonis medas de murrungiai de totu sa genti chi nd’est aprolliada a innias, ma a su mancu depint ammiti ca ddus eus imparaus a papai.

Lascia un commento

Il tuo indirizzo email non sarà pubblicato. I campi obbligatori sono contrassegnati *